|
|
|||
|
|
|||
| Warmlugballonne: Kleurvolle Sweeftuie Die begeerte om in die lug te kan opgaan en te vlieg of te sweef was van die vroegste tye af 'n begeerte by menige mens. Daardie begeerte het die mens al so ver as die maan geneem, maar dit het baie lank en met talle probeerslae, katastrofes en avonture gepaard gegaan. Die aanvanklike pogings wat apparate met vlerke was, wat die vlug van voëls probeer naboots het, was nie juis suksesvol nie. Slimkoppe soos Leonardo da Vinci en Jakob Degen het sulke vliegkonstruksies ontwerp. |
|
||
| Met Torricelli se ontdekking van die
barometer, waarmee hy bewys het dat lug nie maar net leeg is nie,
maar gewig het, het die mens egter anders begin dink oor lug, die
eienskappe daarvan en hoe dit gebruik kan word om ballonne te laat
sweef. Dit het ook die begeerte na lugvaart beïnvloed en die
beginpunt van die ontwikkeling van warmlugballonne gemerk. Francesco de Lana het 'n soort lugboot wat vier koperballonne gehad het, ontwerp, maar dit was eintlik die broers Etienne en Joseph Montgolfier, wat uiteindelik in 1783 sukses sou bereik met onbemande warmlugballonne wat hulle ontwerp en gemaak het. Met 'n skeikundige met die van van Charles se ontdekking van waterstof, het die geskiedenis van lugballonne oplaas in Augustus 1783 bietjie hoogte begin kry, maar meeste mense was maar nog baie skepties oor die rare vlugtuie en aanvanklik was diere die reisigers in proefnemings. |
|||
|
|||
| 'n Ander groot warmlugballon-entoesias, Jean-Piere Blanchard, sou kort daarna in lande soos België, Holland, Amerika en Duitsland die persoon wees wat vir die eerste keer die lug in sweef met warmlugballonne. Hy en John Jeffries sou ook die eerstes wees om die Engelse kanaal met 'n warmlugballon oor te sweef en met hul vlug vanaf Engeland na Frankryk in 1785, neem hulle ook die eerste lugpos saam. | |||
|
|||
|
Die warmlugballon het baie goed ontwikkel. Die ballonne kon baie
hoog en ver gaan, maar die probleem van rigting was nog nie opgelos nie.
Dit sou eers in 1852 gebeur toe Henri Giffard die idees van Meusnier en
George Caley, die vader van die Britse lugvaart, uitgebrei en
toegepas het. Giffard ontwerp 'n buisvormige ballon of lugskip en
gebruik stoomkrag. Op 24 September 1852 demonstreer hy sy sukses en
daarmee ook die feit dat daar na byna 'n eeu nou rigting aan
warmlugballonne of dan lugskepe gegee kan word. Die warmlugballon wat nou sy deel in die geskiedenis gespeel het, sou deel bly van ons heerlike ervarings, maar die ontwikkeling daarvan in groot lugskepe, sou uiteindelik daartoe lei dat ons ruimte gevul word met vliegtuie en nog verder die ruimte in met ruimtetuie. |
||||
|
Lees meer by: |
||||
|
 |
|
|
|
|
